12.06.2018

17. júní hátíðarhöld í sveitarfélaginu


17. júní dagskráin er fjölbreytt í sveitarfélaginu og má finna hátíðarhöld á fjórum stöðum.

Á Heimalandi verður skemmtileg dagskrá með hefðbundnu sniði og hefst hún kl. 14:00. Í boði verður m.a. útileikir, bögglauppboð og kaffisala. Allur ágóði að samkomunni rennur óskiptur til fjölskyldu Jóns Þórs Aronssonar sem er ættaður frá Núpakoti en hann berst við alvarlegan sjúkdóm.

Í Njálsbúð hefst dagskrá kl. 13:00 og þar verður m.a. víðavangshlaup, reiptog og annað sprell. Kvenfélagið Bergþóra sér svo um kaffihlaðborð (enginn posi á staðnum)

Á Goðalandi hefst dagskráin kl. 15:00 og verður dagskráin með hefðbundunum hætti líkt og síðari ár. Kvenfélagið Hallgerður verður með kaffihlaðborð (enginn posi á staðnum)

Á Hvolsvelli verður dagskráin fjölbreytt og hefst dagurinn með morgunverði í Hvolnum, skrúðganga verður frá Kirkjuhvoli og hátíðardagskrá á túninu við Hvolinn. Dagurinn endar svo á bíó og tónleikum með Global.

 


Til baka