Á Kjötsúpuhátíðinni ár hvert er sveitarlistamaður Rangárþings eystra tilkynntur.
Menningarnefnd Rangárþings eystra stendur fyrir valinu hverju sinni, en íbúar geta tilnefnt listamenn sem þeim finnst skara fram úr. 

Gjaldgengir eru þeir einstaklingar eða hópar sem búa í sveitarfélaginu og hafa þótt skara fram úr í sinni list.

 

Sveitarlistamaður Rangárþings eystra árið 2023 er Hjálmar Ólafsson

Eins og máltækið segir þá er ýmsum margt til lista lagt og það á vel við þegar að kemur að Sveitarlistamanni Rangárþings eystra árið 2023. Listamaðurinn hefur skapað hina fegurstu listmuni, miðlað þekkingu sinni til ungra og aldna og hefur unnið að uppbyggingu viðhaldi á gamalli byggingararfleið.

Hjálmar er mikill hagleiksmaður og er einstaklega listrænn þegar kemur að því að meðhöndla og skera út í tré. Hann hefur sl. ár búið til ýmsa fallega gripi, jólaskraut, bakka og fleira í þeim dúr en einnig skorið út íslensku húsdýrin sem glatt hafa börn enda ákaflega vel gerð.

Hjálmar hefur kennt smíði og útskurð hjá eldri borgurum sem njóta þekkingar hans og handleiðslu og það má sjá á sýningum á handverki eldri borgara að Hjálmar hefur leiðbeint vel. Hann hefur einnig kennt í Hvolsskóla. Hjálmar er einstakur rólyndismaður sem kemur sér líklega vel í hans listsköpun. Hjálmar vann ásamt fleirum að uppbyggingu á Gamla bænum í Múlakoti og þar hafa hæfileikar hans og nákvæmni notið sín vel.

Hægt er að tilnefna sveitarlistamann Rangárþings eystra árið 2024 hér:

https://www.hvolsvollur.is/is/ibuar/skipulagsmal/frettir-og-tilkynningar/frettir/sveitarlistamadur-rangarthings-eystra-2024