Gjaldskrár

Gjaldskrá og reglur fyrir mötuneyti Hvolssskóla

1. gr.

Foreldrar/ forráðamenn sem ætla að nýta þjónustu mötuneytis Hvolsskóla þurfa að skrá börn sín í mötuneytið hjá ritara skólans. Starfsmenn Hvolsskóla skulu skrá sig í mötuneytið hjá ritara skólans.
Tilkynning um úrsögn úr áskrift að mötuneyti þarf að berast til ritara fyrir 15. dag mánaðar og tekur hún þá gildi frá og með næstu mánaðarmótum. Úrsögn vegna barns þarf að berast frá foreldri eða forráðamanni.

2. gr.

Máltíðir nemenda eru gjaldfrjálsar. Fyrir hverja máltíð í áskrift að mötuneyti greiða kennarar og aðrir starfsmenn 572 kr,- Gjald fyrir staka máltíð kennara og annarra starfsmanna er 1 621 kr,-. Nemendur, kennarar og aðrir starfsmann þurfa að skrá sig hjá ritara í stakar máltíðir fyrir kl. 10 að morgni. Hægt er að vera í áskrift einn til fimm daga vikunnar, en alltaf sömu vikudaga. Matarverð er endurskoðað um hver áramót og gefin út ný gjaldskrá.

3. gr.

Hver áskrift er skilyrt við viðkomandi nemanda eða starfsmann. Ekki er leyfilegt að framselja stakar máltíðir til annara nemenda eða starfsmanna ef skráður einstaklingur hyggst ekki nýta sér áskriftina ákveðin dag.

4. gr.

Rangárþing eystra sendir greiðsluseðil vegna mötuneytisgjalda mánaðarlega. Gjald fyrir mötuneyti er greitt eftir á og er gjalddagi síðasti dagur mánaðarins sem rukkað er fyrir. Gjalddagi er síðasti dagur mánaðar og eindagi 15. dagur næsta mánaðar. Verði dráttur á greiðslum verða reiknaðir dráttarvextir, sbr. lög nr. um vexti og verðtryggingu nr. 38/2001.

5. gr

Ekki eru veittir afslættir af mat og hressingu og ekki er dregið frá fæðiskostnaði vegna tilfallandi fjarveru úr skólanum sem varir skemur en viku samfellt. Ef starfsmaður er í leyfi/veikindum frá skóla í 5 virka daga samfellt getur starfsmaður óskað eftir niðurfellingu á fæðisgjöldum á meðan á leyfinu stendur. Sækja skal um niðurfellinguna hjá ritara Hvolsskóla tveimur vikum áður en fríið er tekið. Umsjónarmaður í mötuneyti heldur dagbók yfir þá sem nýta mötuneytið.

6. gr.

Gjaldskrá þessi tekur gildi frá og með 15. ágúst 2024. 

Gjaldskrá og reglur fyrir Skólaskjól

1.gr

Skólaskjólið er fyrir börn í 1.– 4. bekk í Hvolsskóla. Foreldrar/forráðamenn sem ætla að nýta þjónustu Skólaskjóls þurfa að sækja um fyrir börn sín skriflega hjá ritara skólans. Uppsögn skal berast skrifleg, með mánaðar fyrirvara frá foreldri/forráðamanni til ritara skólans. Eyðublað um skráningu, breytingu og uppsögn fæst hjá ritara. Hægt er að skrá barn í 1–5 daga í Skólaskjóli í viku. Í Skólaskjóli gilda skólareglur Hvolsskóla.

Frestur til að sækja um áskrift, breyta áskrift, segja upp áskrift og sækja um afslátt er til 15. hvers mánaðar. Breytingar taka gildi frá og með næstu mánaðarmótum á eftir. Afsláttur er ekki veittur afturvirkt.

2.gr

Boðið er upp á vistun í Skólaskjóli alla virka daga á skólaárinu að loknum skóladegi. Einnig er opið á foreldradögum og starfsdögum þegar leikskólinn Örk er starfandi. Skrá þarf sérstaklega í vistun þá daga sem nemendur eru ekki í skóla og þarf skráning að berast 2 virkum dögum fyrir tilsettan dag. Kostnaður fyrir þá daga eru krónur 2.183.-. Opnunartími Skólaskjóls er frá því skóla lýkur til kl. 16.15 alla daga nema föstudaga, þá daga er opið til kl. 16:00. Þá daga sem eru ekki nemendadagar í skólanum opnar Skólaskjólið kl. 8.

Fyrir fulla vistun í Skólaskjóli greiðast kr. 10.026,-. Fyrir síðdegishressingu í fullri vistun er greitt kr. 2.766,-.

3.gr

Rangárþing eystra sendir greiðsluseðil vegna þjónustugjalda mánaðarlega. Gjald fyrir skólaskjól er greitt eftir á og er gjalddagi síðasti dagur mánaðarins sem rukkað er fyrir. Gjalddagi er síðasti dagur mánaðar og eindagi 15. dagur næsta mánaðar. Verði dráttur á greiðslum verða reiknaðir dráttarvextir, sbr. lög um vexti og verðtryggingu nr. 38/2001.

4.gr

Að jafnaði koma forföll ekki til frádráttar þjónustugjöldum nema um veruleg forföll sé að ræða og skal það metið í hverju tilfelli fyrir sig af skólastjóra. Tilkynna þarf forföll í Skólaskjóli til ritara skólans. Umsjónarmaður í Skólaskjóli heldur dagbók yfir þá sem nýta Skjólið. Sími í Skólaskjóli er 841-8604 og hjá ritara Hvolsskóla 488-4240.

5.gr

Ef foreldrar/forráðamenn barna í Skólaskjóli eru jafnframt með barn í leikskóla í Rangárþingi eystra, er veittur 25% afsláttur af mánaðargjaldi. Ef foreldrar/forráðamenn eiga tvö börn í Skólaskjóli er veittur 50% afsláttur af mánaðargjaldi fyrir annað barnið. Ef tvö börn eru í Skólaskjóli auk barns í leikskóla er veittur 25% afsláttur fyrir annað barnið í og 50% afsláttur fyrir hitt barnið í Skólaskjóli. Ekki er gefinn afsláttur af síðdegishressingu.

Gjaldskrá gildir frá 1. janúar 2024

Gjaldskrá leikskóla

Vistun                                                                                                            Verð

Tímagjald 3.713 kr,-

Hægt er að kaupa stakan aukatíma 1.471 kr. Einungis notaður í einstaka tilfellum, ekki sem fastur liður í vistun.

Afslættir:

• Einstæðir foreldrar fá 40% afslátt af almennum gjöldum.
• Systkinaafsláttur er 50% fyrir annað barn.
• Systkinaafsaláttur er 90% fyrir þriðja barn og umfram það.
• Fyrstu 4 klst. eru án gjalds fyrir 5 ára börn og miðast það við síðasta skólaárið.
• Námsmenn fá 15% afslátt ef annað foreldri er í fullu lánshæfu námi og 30% afslátt ef báðir foreldrar eru í fullu lánshæfu námi.
• Öryrkjar fá 15% afslátt af almennum gjöldum, 30% afsláttur er gefinn ef báðir foreldrar eru öryrkjar.

Afslættir reiknast eingöngu af vistunargjöldum og getur hver greiðandi eingöngu fengið afslátt skv. tveimur af ofangreindum afsláttarliðum. Námsmenn skulu staðfesta með vottorði frá skóla um skólavist á hverri önn. Öryrkjar þurfa að leggja fram gögn til staðfestingar örorku og er miðað við 75% örorku. Einstæðir foreldrar skulu framvísa vottorði um fjölskylduhagi frá Þjóðskrá, til staðfestingar á afslætti. Afslættir eru ekki afturvirkir.

Leikskólagjöld eru innheimt í 11 mánuði á ári, þar sem öll börn skulu taka 5 vikna samfellt sumarfrí. Leikskólagjöld eru ekki innheimt þegar leikskólinn er lokaður vegna sumarleyfa.

Ef barn er í leyfi frá leikskólanum í 5 virka daga samfellt á öðrum tíma en í tengslum við sumarlokun geta foreldrar óskað eftir niðurfellingu á fæðisgjöldum á meðan á leyfinu stendur. Sækja skal um niðurfellinguna hjá leikskólastjóra tveimur vikum áður en fríið er tekið.

Ef barn er veikt í samfellt 5 virka daga eða lengur er fæðiskostnaður dregin frá næsta útgefna reikning.

Ef barn er veikt í samfellt 3 vikur eða lengur er helmingur dvalargjalds endurgreiddur gegn framvísun læknisvottorðs.

Gjald fyrir aukatíma ef barn er ekki sótt á réttum tíma 2.087 kr pr. klst. Lágmark 0,5 klst. eða 1.043kr - og síðan 524 kr,- fyrir byrjaðar 15 mínútur.

Fæðisgjöld:

Morgunhressing 3.050 kr

Hádegismatur 6.698 kr

Síðdegishressing 2.932 kr

Kaupa verður hressingu fyrir barnið á þeim tíma sem sótt er um.

Foreldrafélagsgjald (innheimt fyrir foreldrafélagið á Öldunni) 400 kr

Gjaldskrá gildir frá 11. apríl 2024

Gjaldskrá skipulags- og byggingarfulltrúa

1. Lagaheimildir og meginreglur

Gjaldskráin byggir á þeirri meginreglu að sá aðili sem sækir um byggingarleyfi eða – heimild, óski eftir breytingu á aðal- og/eða deiliskipulagi eða óskar eftir þjónustu eða sætir eftirliti af hálfu skipulags- og byggingarfulltrúa skuli greiða þann kostnað sem leyfisveiting, þjónusta eða eftirlit hefur í för með sér, sbr. 51. gr. laga um mannvirki nr. 160/2010 og skv. 2. mgr. 20. gr. skipulagslaga nr. 123/2010. Í því felst að umsækjandi greiðir kostnað vegna umsýslu málsins, móttöku þess, yfirferð aðal- og séruppdrátta, skráningarvinnu, útmælinga, úttekta, útgáfu vottorða sem og nauðsynlegra auglýsinga og kynninga sem afgreiðsla málsins kann að fela í sér. Jafnframt skal umsækjandi greiða fyrir þá þjónustu sem embætti skipulags- og byggingarfulltrúa veitir, skv. þessari gjaldskrá.

2. Byggingarleyfisgjöld

Byggingarleyfi og -heimild skiptist í afgreiðslugjald og rúmmetragjald. Sérhvert nýtt byggingarleyfi eða -heimild vegna nýrra mannvirkja, viðbygginga eða verulegra breytinga á þegar byggðu mannvirki, greiðist óafturkræft byggingarleyfisgjald.

Fyrir byggingarleyfi og -heimildir skal greiða afgreiðslugjald og rúmmetragjald. Innifalið í gjaldinu er skráning umsóknar, yfirferð hönnunargagna, útgáfa byggingarleyfis, útsetning byggingarreits og lögbundnar úttektir. Greitt er eftir umfangsflokkun mannvirkis sem er skv. byggingarreglugerð nr. 112/2012.

Sé sótt um endurnýjun byggingarleyfis og breytingar að auki skal farið með það sem nýtt byggingarleyfi, það sem áður hefur verið greitt kemur til frádráttar.

Tímagjald skipulags- og byggingarfulltrúa er 17.190 kr.

3. Gjaldskrá byggingarsviðs

• – Byggingarleyfisgjöld -og heimild

• – Úttektir

• – Stöðuleyfi

Innifalið í gjaldinu er afgreiðslu- og stöðuleyfisgjald.

• – Staðvísar og auglýsingarskilti

• – Umsagnir og vottorð

• – Önnur þjónustugjöld

Vegna málsmeðferðar tilkynntra framkvæmda, sbr. gr. 2.3.5 og 2.3.6 í byggingarreglugerð. Innifalið í því er varðveisla gagna, yfirferð hönnunargagna og yfirferð m.t.t. samræmis við skipulag.

4. Gjaldskrá skipulagssviðs

Sé þörf á að vinna skipulagsáætlun eða gera breytingu á skipulagsáætlun vegna leyfisskyldra framkvæmda eða grenndarkynna byggingarleyfisumsókn er tekið gjald sem nemur kostnað við skipulagsgerðina, umsýslu, kynningu og auglýsingu.

Tímagjald skipulags- og byggingarfulltrúa er 17.190 kr.

Afgreiðslugjald í skipulagsnefnd er 12.275 kr.

• – Aðalskipulag

• – Deiliskipulag

• – Grenndarkynning

• – Landskipti og breytt skráning fasteigna

• – Framkvæmdarleyfi skv. 1. mgr. 20. gr. skipulagslaga nr.123/2010

Fyrir útgáfu framkvæmdarleyfis í samræmi við 13. – 16. gr. skipulagslaga, ákveður sveitarstjórn gjald eftir umfangi framkvæmdar að fenginni tillögu skipulagsfulltrúa. Fjárhæð gjaldsins skal ekki vera hærri en sem nemur kostnaði við undirbúning leyfis og lögbundið eftirlits s. s. umsýslu og málmeðferð skipulagsfulltrúa, utanaðkomandi sérfræðivinnu, nauðsynlegar umsagnir, auglýsingar o. s. frv. Lámarksgjald skal þó vera 77.552 kr.

Þegar álit Skipulagsstofnunar skv. lögum nr. 106/2000 með síðari breytingum er nauðsynlegt vegna framkvæmdar, telst kostnaður sveitarfélagsins vegna þess hluti af kostnaði við undirbúnings leyfis.

5. Önnur gjöld skipulags- og byggingarembættisins

6. Prentun og ljósritun

07.gr. Gjalddagi

Gjöld vegna útgáfu byggingarleyfis eða -heimildar, þ. e. afgreiðslugjald og eftirlits- og yfirferðagjald, skal alla jafna innheimt saman með einum reikningi að loknum afgreiðslufundi embættisins þar sem viðkomandi mál var afgreitt.

Önnur gjöld skv. gjaldskrá skal greiða samhliða því að verkið er unnið.

8. gr. Gjaldtökuheimild og breytingar á fjárhæð gjalda

Gjaldskrá þessi er sett með heimild í 20. gr. skipulagslaga nr. 123/2010 og í 51. gr. laga um mannvirki nr. 160/2010. Gjöld samkvæmt þessari gjaldskrá miðast við byggingarvísitölu, grunnur 2009 í nóvember 2023, 185,9 stig, og breytast þau 1.janúar ár hvert til samræmis við breytingar á vísitölunni.

Leyfisgjöld eru óafturkræf þó að leyfi falli úr gildi.

Jafnframt fellur gjaldskrá nr. 532/2011 um byggingarleyfisgjöld og tengda þjónustu fyrir byggingar- og skipulagsembætti Rangárþings bs. úr gildi við gildistöku gjaldskrár þessarar.

Gjaldskrá fyrir Skógaveitu

Mælaleiga 2 .582 kr á mánuði

Vatnsgjald, 102 kr á hvert tonn.

Gjaldskrá gildir frá 1. janúar 2024

Gjaldskrá fyrir fráveitugjöld

1. gr.

Af öllum fasteignum í Rangárþingi eystra, sem liggja við vegi eða opin svæði, þar sem fráveitulagnir liggja, skal greiða árlegt fráveitugjald til sveitarfélagsins.

2. gr.

Álagningarstofn fráveitugjalds skv. 1. gr. skal vera 0,20% af fasteignamati allra húsa og lóða skv. lögum um skráningu og mat fasteigna nr. 6/2001 með síðari breytingum.

Sé ekkert mannvirki á lóð greiðist ekkert fráveitugjald.

3. gr.

Gjalddagar fráveitugjalds skulu vera þeir sömu og sveitarstjórn ákveður fyrir fasteignaskatt og skal innheimtu þess hagað á sama hátt og innheimtu fasteignaskatts.

4. gr.

Þinglýstur eigandi fasteignar ber ábyrgð á greiðslu fráveitugjalds og er gjaldið tryggt með lögveði í fasteigninni.

5. gr.

Sveitarfélagið innheimtir árlega rotþróargjald til niðurjöfnunar á kostnaði við hreinsun og tæmingu rotþróa skv. 21. gr. samþykktar um fráveitur í Rangárþingi eystra.

Árlegt rotþróargjald á íbúðar- og frístundahús, þar sem tæming á sér stað að jafnaði þriðja hvert ár, skal vera eftirfarandi:

Rotþró 15.515 kr,-

Árlegt rotþróargjald við atvinnurekstur eða fyrirtæki, þar sem tæming á sér stað að jafnaði þriðja hvert ár, skal vera eftirfarandi:

Rotþró 0-4000 lítra 15.515 kr,-

Rotþró 4001-6000 lítra 17.976 kr,-

Rotþró 6001 lítra eða stærri 8.025 kr,- pr.m3.

Fyrir aukalosun rotþróa, allt að 6000 lítra að stærð, skal greiða 72.760 kr,-. Fyrir aukalosun rotþróa, 6001 lítra eða stærri, skal greiða sérstaklega skv. gjaldskrá losunaraðila.

6. gr.

Við álagningu árlegs fráveitugjalds getur sveitarstjórn með einfaldri samþykkt sinni nýtt sér heimild í 4. mgr. 15. gr. laga nr. 9/2009, um niðurfellingu eða lækkun til tekjulágra elli- og örorkulífeyrisþega.

7. gr.

Gjaldskrá þessi er sett samkvæmt skv. 15. gr. laga nr. 9/2009 um uppbyggingu og rekstur fráveitna og öðlast þegar gildi.

Hvolsvöllur, 1. janúar 2024

Gjaldskrá fyrir kattahald

1. gr.

Skrá skal alla ketti í þéttbýli Rangárþings eystra skv. 3. mgr. 2. gr. samþykktar um kattahald í Rangárþingi eystra. Skráningargjald skal vera 3.832 kr,- og greiðist við skráningu. Árgjald er 1.913 kr,- og greiðist á hverju ári eftir skráningarárið.

2. gr.

Handsömunargjald skv. 5. gr. sömu samþykktar skal vera 3.820 kr,- í fyrsta skipti en síðan hækkar það í 6.379kr,- ef til handsömunar kemur aftur innan sex mánaða frá fyrri handsömun.

3. gr.

Um vexti af vangreiddum gjöldum skv. gjaldskrá þessari gilda almennar reglur.

4. gr.

Gjaldskrá þessi er samþykkt af sveitarstjórn Rangárþings eystra með tilvísun til heimildar í samþykkt um kattahald í Rangárþingi eystra frá 14. júní 2012.

Gjaldskrá gildir frá 1. janúar 2024

Gjaldskrá fyrir hundahald á Hvolsvelli

1. gr.

Af hundum á Hvolsvelli skal sveitarsjóður innheimta gjöld samkvæmt gjaldskrá þessari, sem er ætluð til að standa undir kostnaði við framkvæmd samþykktar um hundahald í Rangárþingi eystra nr. 442/2013.

2. gr.

Skráningargjald er 10.946 kr,-

Bráðabirgðaskráning 1.866 kr,-

3. gr.

Árlegt leyfisgjald fyrir hvern hund er 10.946 kr,-

Ekki er innheimt leyfisgjald það ár sem hundurinn er skráður.

4.gr

Hafi eigandi skráðs hunds lokið grunnnámskeiði í hundauppeldi viðurkenndu af sveitarstjórn Rangárþings eystra er heimilt að veita allt að 25% afslátt af gjöldum samkvæmt 2. og 3. gr gjaldskrár þessarar. Sveitarstjórn getur sett reglur um afsláttarkjör fyrir hundaeigendur sem hafa í hvívetna fullnægt ákvæðum samþykktar um hundahald í ákveðinn árafjölda eftir nánari ákvörðun sveitarstjóra.

5. gr.

Greiðsla fyrir ábyrgðartryggingu, eftirlit, umsjón og skráningu er innifalin í gjaldi samkvæmt 2. og 3. gr.

6. gr.

Við hverja afhendingu handsamaðs hunds ber að innheimta gjald 7.180 kr,-. Að auki skal greiða þann kostnað sem leggst á vegna dvalar eða geymslu viðkomandi hunds. Óskráða hunda má ekki afhenda fyrr en að lokinni skráningu og greiðslu skráningargjalds.

7. gr.

Gjalddagi skv. 3. gr. er 1. október og eindagi 31. október. Dráttarvextir reiknast frá gjalddaga séu gjöldin ekki greidd á eindaga. Um innheimtu gjalda fer samkvæmt ákvæðum laga um hollustuhætti og mengunarvarnir, nr. 7/1998. Gjöld samkvæmt gjaldskránni má innheimta með fjárnámi. Við afskráningu hunds ber að endurgreiða árlegt gjald í réttu hlutfalli við þá mánuði sem eftir eru á árinu.

8. gr.

Ofangreind gjaldskrá sveitarstjórnar Rangárþings eystra staðfestist hér með samkvæmt 25. gr. laga nr. 7/1998, um hollustuhætti og mengunarvarnir, samanber samþykkt um hundahald í Rangárþingi eystra frá 23. apríl 2013.

Gjaldskrá gildir frá 1. janúar 2024

Gjaldskrá fyrir fjallaskála í Rangárþingi eystra

1. gr.

Gjald fyrir gistingu í fjallaskála á vegum Rangárþings eystra er 4.880 kr,- á mann pr. nótt.

2. gr.

Gjaldskrá þessi tekur gildi við staðfestingu sveitarstjórnar.

Gjaldskrá gildir frá 1. janúar 2024

Gjaldskrá félagsheimila í Rangárþingi eystra

 Leigutaki skal skila eldhúsi eins og tekið var við því, hreint og allt á sínum stað. Þrífa borð, ganga frá borðum og stólum á sinn stað og sópa gólf. Fjarlægja allt rusl úti og inni, setja í plastpoka ofan í ruslaílát utandyra.

*Sé óskað eftir sal degi fyrir veislu/viðburð er greitt 50% af dagleigu.

**Sveitarfélagið áskilur sér rétt til að rukka 10% af salarleigu þegar bókun er gerð, það gjald er óendurgreiðanlegt.

***Stórir salir í félagsheimilum sem taka allt að 200 manns í sæti, sem og salurinn í Hvolsskóla.

Leigutaki skal skila eldhúsi eins og tekið er við því, hreint og allt á sínum stað. Þrífa borð, ganga frá borðum og stólum á sinn stað og sópa gólf. Fjarlægja allt rusl uti og inni, setja í plastpoka ofan í ruslaílát utandyra.

Tónleikar mega ekki standa lengur en til kl. 23:30 eftir það telst tónlistarviðburður dansleikur.

Gjaldskrá þessi tekur gildi 1. janúar 2024

Gjaldskrá fyrir Sorpstöð Rangárvallasýslu

1. gr.

Heimild

Gjaldskrá þessi er sett samkvæmt ákvæðum 11. gr. laga nr. 55/2003 um meðhöndlun úrgangs og 59. gr. laga nr. 7/1998 um hollustuhætti og mengunarvarnir, með síðari breytingum. Sorphirðugjald og sorpeyðingargjald innheimtast með álögðum fasteignagjöldum ár hvert. Gjöld skv. 2.-4. gr. taka breytingum skv. vísitölu neysluverðs til verðtryggingar í upphafi hvers árs.

2. gr.

Sorphirðugjald

Innheimta skal sorphirðugjald af öllu íbúðarhúsnæði skv. eftirfarandi álagsgrunni.

 Sorphirðugjald fyrir grunneiningu íláta er 27.400 ISK og inniheldur 240l blátunnu, 240l grátunnu, 240l græntunnu og brúnt ílát í tunnu fyrir lífrænan úrgang. Hægt er fá fleiri og/eða stærri ílát.

3. gr.

Sorpeyðingargjald

Innheimta skal sorpeyðingargjald 29.500 ISK af öllu húsnæði í Rangárvallasýslu, þ.e. íbúðar-, frístunda, og atvinnuhúsnæði. Sorpeyðingargjald tekur til reksturs sorpkerfisins, s.s. rekstur grenndarstöðva, móttökustöðvar og förgunar- og endurvinnsluleiða. Greiðsla þess veitir viðkomandi aðilum aðgengi að soprkerfinu og afsetningu á heimilisúrgangi. Rekstraraðilar sem afsetja rekstrarúrgang á móttökustöðinni Strönd vegna atvinnurekstur skulu greiða fyrir það, sjá 4. gr. Gjaldtaka á Strönd er ekki hluti af sorpeyðingargjaldi sveitarfélagsins. 

4. gr.

Gjaldtaka á móttökustöð

Gjaldtaka á móttökustöð miðast við þyngd og tegund úrgangsmagns sem afsett er.

Heimilt er að leggja á lágmarksgjald fyrir eðlislétt sorp (t.d. einangrunarplast) 1 200 ISK m3

Heimilt er að innheimta útlagðan förgunarkostnað sem hlýst af móttöku spilliefna.

Ef óflkkað er í heimsendum gám skal greitt skv. þyngd innihaldsins. Heimsendir gámar eru einingis fyrir íbúa í Rangárvallasýslu.

Klippikort með 5 m3 af gjaldskyldum úrgangi er í boði fyrir þá sem greiða sorpeyðingargjald.

5. gr. 

Samþykkt og staðfesting

Gjaldskrá þessi  var samþykkt á fundi stjórnar Sorpstöðvar Rangárvallasýslu bs. þann 23.10.2023 og staðfest af sveitarstjórnum þeirra sveitarfélaga sem reka Sorpstöð Rangárvallasýslu. Gjaldskráin gildir frá birtingu hennar í B-deild Stjórnartíðinda. Frá sama tíma fellur úr gildi gjaldskrá nr. 156/2022

Reglur um afslátt af fasteignaskatti

Reglur um tekjutengdan afslátt hjá elli- og örorkulífeyrisþegum í Rangárþingi eystra 2024

1. gr.

Tekjulágum elli- og örorkulífeyrisþegum sem eiga lögheimili í Rangárþingi eystra er veittur afsláttur af fasteignaskatti og fráveitugjaldi samkvæmt ákvörðun sveitarstjórnar Rangárþings eystra ár hvert og reglum þessum, sbr. heimild í 4. mgr.
5. gr. laga nr. 4/1995 um tekjustofna sveitarfélaga.

2. gr.

Rétt til afsláttar eiga íbúðareigendur í Rangárþingi eystra sem búa í eigin íbúð og
a) eru 67 ára á árinu eða eldri
b) hafa verið úrskurðaðir 75% öryrkjar fyrir upphaf álagningarárs.
c) hafa ekki leigutekjur af viðkomandi húsnæði.
d) hafa ekki fullvinnandi einstakling/einstaklinga aðra en maka búsetta á heimilinu.

Afsláttur nær einungis til þeirrar íbúðar sem viðkomandi sannanlega býr í.

3. gr.

Hjón og samskattað sambýlisfólk fær fullan afslátt þó einungis annar aðilinn uppfylli skilyrði 2. gr. Ef um fleiri en einn íbúðareiganda er að ræða að eign, sem ekki uppfylla skilyrði 1. mgr., er veittur afsláttur til þeirra sem uppfylla skilyrði 2. gr., í samræmi við eignarhluta þeirra.

4. gr.

Afsláttur er tekjutengdur. Afsláttur er hlutfallslegur og miðast við tekjur síðastliðins árs samkvæmt skattframtali. Til tekna teljast bæði launatekjur og fjármagnstekjur. Miðað er við sameiginlegar tekjur hjóna og samskattaðs sambýlisfólks.
Tekjumörk vegna aflsáttarins 2024 eru eftirfarandi:
           Tekjur einstaklinga                                   Tekjur hjóna                             Niðurfelling:
 Allt að 4.368.866                                      Allt að 6.570.813                        100%
Milli 4.368.867-5.100.835                        Milli 6.570.814-7.561.266            75%
Milli 5.100.836-5.825.557                        Milli 7.561.267-8.562.590            50%
Milli 5.825.558-6.556.319                        Milli 8.562.591-9.560.291            25%

5. gr.

Hafi orðið veruleg breyting á högum umsækjanda er heimilt að víkja frá 2. gr. þessara reglna varðandi búsetu í íbúð og viðmið um tekjumörk sl. árs. Hér er einkum átt við sérstök tilvik, s.s. :
a) Þegar maki hefur fallið frá á árinu og tekjur lækkað verulega
b) Ef um skyndilega örorku er að ræða sem hefur veruleg áhrif til lækkunar tekna.
c) Einnig er heimilt að lækka fasteignaskatt í allt að 3 ár hjá þeim sem flutt hafa úr eigin íbúð á öldrunarstofnun en eiga áfram íbúð, sem ekki er leigð út eða nýtt af skyldmennum.

6. gr.

Afslátt skv. 4. gr. til ellilífeyrisþega skal reikna við álagningu og er byggður á upplýsingum frá ríkisskattstjóra um tekjur. Afslátturinn er birtur á álagningarseðli. Örorkulífeyrisþegar fá afslátt skv. 4. gr. gegn framvísun örorkuskírteinis og skattskýrslu.

Samþykkt af sveitarstjórn Rangárþings eystra 14. desember 2023.

Álagningarreglur 2024

Útsvar

• • Útsvarshlutfall                         14,97%

Fasteignagjöld

• •  Fasteignaskattur, íbúðir og útihús, A-stofn                           0,375% af fasteignamati
  •  Fasteignaskattur, atvinnuhúsnæði, C-stofn                          1,50% af fasteignamati
  •  Fasteignaskattur, opinbert húsnæði, B-stofn                        1,32% af fasteignamati
  •  Lóðaleiga                                                                              1,00% af fasteignamati lóðar
  •  Holræsagjald                                                                         0,20% af fasteignamati
  •  Vatnsgjald er skv. sérstakri gjaldskrá                                    0,18% af fasteignamati
  •  Sorphirðu- og sorpeyðingargjöld eru skv. sérstakri gjaldskrá

Gjalddagar fasteignagjalda:

 Gjalddagar eru 8: 1. febrúar - 1. mars - 1. apríl - 1. maí - 1. júní - 1. júlí - 1. ágúst - 1. september

Eindagi er 30 dögum eftir gjalddaga.

Gjalddagi er einn af gjald er lægra en 30.000 þann 1. apríl og eindagi 1. maí.

Samþykkt í sveitarstjórn Rangárþings eystra 14. desember 2023.

Gjaldskrá Brunavarna Rangárvallasýslu bs.

Gjaldskrá vatnsveitu Rangárþings eystra 2024

1.gr

Vatnsgjald er 0,18% af fasteignamati húsa, sem tengst geta vatnsveitu.

2.gr

Lámarks heimæðargjald (jafnaðargjald) vatnsveitu í þéttbýli (Hvolsvöllur og Skógar) er kr. 287.409,- m.v. 32 mm þvermál og allt að 25 metra lengd heimæðar. Heimæðargjald hækkar í samræmi við aukinn sverleika og/eða lengd heimæðar sem hér segir:

3.gr

Stofngjald í dreifbýli skal reikna sérstaklega í hverju tilfelli fyrir sig og skulu þau fela í sér allan kostnað sem til fellur vegna tengingar við stofnkerfi vatnsveitunnar. Að auki skal hvert lögbýli, sumarbústaður, landspildur/beitarhólf eða hvert annað mannvirki sem óskar tengingar við vatnsveitu, greiða tengigjald kr. 181.155,- per. inntak. Fyrir vatnslögn í landspildu/beitarhólf skal auk útlagðs kostnaðar, greiða kr. 30.192,- á hverja tengingu.

4.gr

Vatnsgjald í landspildum/beitarhólfum, þar sem ekki er flot-eða skriðlokabúnaður skal vera kr. 73.042,- fyrir hvern aftöppunarstað. Þar sem brynning er með flot- eða skriðlokubúnaði viðurkenndum af starfsmönnum skal vatnsgjald vera kr. 24.348,- á hvern aftöppunarstað.

5.gr

Sírennsli er með öllu óheimilt. Ítrekuð brot á þessari grein geta varðað lokun vatnsæðar þar til að viðeigandi úrbætur hafi farið fram.

6.gr

Í fyrirtækjum og annars staðar þar sem vatn er notað til annars en venjulegra heimilisþarfa, skal auk vatnsgjalds, greiða sérstakt notkunargjald kr. 35,31 pr.m³ samkvæmt rennslimæli sem vatnsveitan á og rekur.

Fyrir rennslismæla skal greidd árleg mælaleiga eftir stærð mælis sem hér segir:

7.gr

Aukavatnsgjald fyrir stórnotendur þar til settur hefur verið upp mælir er kr. 1.210.000,-

8.gr

Tímagjald starfsmanna Rangárþings eystra er kr. 7.851,-

9.gr

Gjalddagi er tengidagur og eindagi 30 dögum síðar.

Skráður eigandi fasteignar ber ábyrgð á greiðslu vatnsgjalds og heimæðargjalds. Gjöldin njóta lögveðsréttar í lóð og mannvirkjum í næstu tvö ár eftir gjalddaga með forgangsrétti fyrir hvers konar samningsveði og aðfararveði. Heimilt er að loka fyrir heimæðar hjá þeim sem vanrækja að greiða notkunargjald að undangenginni skriflegri aðvörun. Notkunargjald og leigugjald fyrir mæli, ásamt áföllnum kostnaði og vöxtum er heimilt að taka fjárnámi.

10.gr

Heimæðargjöld taka breytingum 1. janúar ár hvert , skv. bygginarvísitölu útgefinni af Hagstofu Íslands. Byggingarvísitala í desember 2020; 149,2 stig.

11.gr

Tenging við vatnsveitu Rangárþings eystra án leyfis er með öllu óheimil.

12.gr

Gjaldskrá fyrir vatnsveitu er byggð á lögum um vatnsveitur sveitarfélaga nr. 32/2004 og reglugerð um vatnsveitur sveitarfélaga nr. 401/2005. Gjaldskráin öðlast gildi við birtingu hennar í B-deild Stjórnartíðinda. Um leið fellur úr gildi gjaldskrá fyrir vatnsveitu í Rangárþingi eystra sem samþykkt var í sveitarstjórn 9. desember 2022.