Barnakórinn söng í Ráðhúsi Reykjavíkur

Barnakór Hvolsskóla söng í Ráðhúsi Reykjavíkur í dag við setningu Friðarhátíðar Reykjavíkur. Kórinn söng lagið Love eftir John Lennon ásamt 8 öðrum barnakórum. Eftir að hafa sungið í Ráðhúsinu hélt hópurinn í skoðunarferð um Hörpuna og létu þar einnig ljós sitt skína og sungu fyrir gesti og gangandi. 

Sveitarstjórn samþykkti samhljóða á síðasta fundi sínum að styrkja kórinn í þessa ferð.