191. fundur sveitarstjórnar Rangárþings eystra

Erindi til sveitarstjórnar:
1. Fundargerð 135. fundar byggðarráðs 18.09.14 Staðfest.
2. Samtök sunnlenskra sveitarfélaga, ársþing 21. og 22. október 2014.
     Kosning fulltrúa á ársþingið.
Eftirtaldir kjörnir fulltrúar á ársþing SASS 21. og 22. október 2014:
    Aðalmenn:
    Ísólfur Gylfi Pálmason, Lilja Einarsdóttir, Birkir A. Tómasson og Guðmundur  Jónsson.
    Varamenn:
    Benedikt Benediktsson, Aðalbjörg Rún Ásgeirsdóttir, Kristín Þórðardóttir og Christiane L. Bahner    
    Fulltúrar á aðalfund Heilbrigðiseftirlits Suðurlands.    
    Aðalmenn:
    Ísólfur Gylfi Pálmason, Lilja Einarsdóttir, Birkir A. Tómasson og Guðmundur  Jónsson.
    Varamenn:
    Benedikt Benediktsson, Aðalbjörg Rún Ásgeirsdóttir, Kristín Þórðardóttir og Christiane L. Bahner    
            Samþykkt samhljóða.

3. Samþykktir sveitarfélagsins, breyting vegna fulltrúa í stjórn Hulu bs.
    49. gr. liður C9 verður Stjórn Hulu bs. Einn aðalmaður og einn varamaður.
      Samþykkt samhljóða.
 
4. Tilboð í rekstur félagsheimilisins Goðalands í Fljótshlíð.
Erindinu hafnað að svo komnu máli.

5. Erla Berglind Sigurðardóttir og Unnur Óskarsdóttir, bréf dags. 15.09.14, styrkumsókn.
Benedikt Benediktsson vék af fundi og Jóhanna Elín Gunnlaugsdóttir tók sæti undir þessum lið.

Samþykkt samhljóða að greiða vinnudaga sem falla niður vegna náms.

Benedikt Benediktsson tekur kemur aftur á fundinn.

6. Bréf Svandísar Þórhallsdóttur dags. 09.09.14, beiðni um launað leyfi vegna náms.

Erindið samþykkt samhljóða. Sveitarstjórn felur sveitarstjóra að hefja vinnu í samvinnu við forstöðumenn um reglur varðandi námsstyrki.

7. Drög að samkomulagi um vatnsveitu að Sámsstöðum.
Samþykkt samhljóða.

8. Æskulýðsnefnd kirkna í Rangárvallasýslu, beiðni um fjárstyrk.
Samþykkt samhljóða að veita styrk kr. 165.000,-

9. Kór Fjölbrautaskóla Suðurlands, beiðni um fjárstyrk.
Samþykkt samhljóða að veita styrk kr. 40.000,-

10. Drög að samþykktum fyrir byggðasamlag v/ málefni fatlaðs fólks.
Samþykkt samhljóða.

11. Tillaga frá fulltrúum D-lista um frestun gildistöku á kjörum oddvita.
Lilja Einarsdóttir kaus að víkja af fundi undir þessum lið.
Tillagan felld á jöfnum atkvæðum, 3 atkvæði með KÞ, BAT og C L.B og 3 atkvæði á móti IGP, BB og JEG. Einn situr hjá ARÁ.

Bókun fulltrúa D og L lista.
Við lýsum yfir vonbrigðum okkar með afstöðu meirihlutans til þessarar tillögu. Við töldum hana til þess fallna að skapa sátt um málið innan sveitarfélagsins að minnsta kosti og var hún lögð fram í því skyni.  
 
Til að bregðast við tillögu D lista um frestun gildistöku um kjör oddvita leitar fundarstjóri afbrigða og gerir meirihluti eftirfarandi tillögu.

Afbrigði samþykkt samhljóða.

Tillaga vegna breyttra kjara oddvita Rangárþings eystra:

Sveitarstjórn Rangárþings eystra leggur til að KPMG sem eru endurskoðendur sveitarfélagsins sem og flestra sveitarfélaga á suðurlandi verði fenginn til að gera úttekt á launakjörum sveitarstjórnarmanna á suðurlandi til samanburðar og skila niðurstöðu í síðasta lagi fyrir 1.janúar 2015.

Rökstuðningur:
Meirihluti sveitarstjórnar Rangárþings eystra vill bregðast við þeirri neikvæðu umræðu sem breyting á launakjörum oddvita hefur fengið í samfélaginu. Umræða þessi byggir á upplýsingum þar sem staðreyndir hafa verið slitnar úr samhengi og reynt með því móti að kasta rýrð á ákvörðunina. Rétt er að benda enn á að störf sveitarstjórnarmanna eru sífellt umfangsmeiri og mörg sveitarfélög hafa farið þá leið að bæta kjör oddvita, enda felst í störfum oddvita mikil ábyrgð og meira vinnuframlag en annarra sveitarstjórnarmanna. Á  nýafstöðnu landsþingi sambands íslenskara sveitarfélaga fengu kjör sveitarstjórnarfólks mikla umræðu og var hvatt til þess að stjórnin legði grunn að tillögu um bætt kjör sveitarstjórnarmanna á landsvísu enda grafalvarlegt mál og áhyggjuefni að erfitt er orðið að fá fólk til að sinna þessum störfum sem sýnir sig í því að u.þ.þ. 54% kjörinna fulltrúa á landsvísu eru nýir og óreyndir í að taka þátt í sveitarstjórnarmálum. 
Fundarsetur og störf oddvita eru umfangsmikil og fara að miklu leiti fram á almennum vinnutíma og því nánast ógerningur að sinna öðrum launuðum störfum í fullu stöðugildi samhliða, enda minnkaði núverandi oddviti starfshlutfall sitt um 50% til að geta sinnt störfum oddvita af metnaði og í samræmi við kröfur nútíma stjórnsýslu. Einnig er rétt að benda á að greiðslur fyrir aukafundi falla niður á móti, sem oddviti fékk áður greitt eins og aðrir sveitarstjórnarmenn. Auk þess er mikið af störfum og fundarsetum sem þarf að sinna utan hefðbundins vinnutíma, hvort sem er á kvöldin eða um helgar og því launin ekki hugsuð sem fast starfshlutfall, heldur í raun sem staðgengilslaun fyrir krefjandi starf, sem mikilvægt er að þeir sem gefa kost á sér til starfans geti unnið af metnaði.
Bent skal á í þessu samhengi að þegar sveitarstjórnarfulltrúar fjalla um samþykktir sveitarstjórnarmanna fjalla þeir meðal annars um kjör allra sveitarstjórnarfulltrúa. Engir aðrir geta samþykkt, samþykktirnar en sveitarstjórnarfulltrúarnir sjálfir enda hluti af ábyrgð þeirra.
Tillagan borin upp og samþykkt með 4 atkvæðum BB, IGP, JEG og ARÁ. Þrír sitja hjá KÞ, BAT, C L. B.

Bókun D og L lista:

Við undrumst mjög að tillögu D-listans hafi verið hafnað, en ný tillaga lögð fram næstum sama efnis sem felur að öllum líkindum í sér meiri fjárútlát fyrir sveitarfélagið. Ennfremur vísum við á bug dylgjum um óbilgirni í umræðu um málið.  Annað sem fram kemur í greinargerð með tillögunni er til þess fallið að slá ryki í augun á fólki og tilheyrir annarri og stærri umræðu á landsvísu.  

Bókun B-lista
Í greinargerð D og L lista er talað um dylgjur en þær koma hvergi fram í greinargerð okkar.
Lilja Einarsdóttir kemur aftur inn á fundinn og tekur við fundarstjórn.

12. Tillaga frá fulltrúum D- lista um lækkun leikskólagjalda – frestað á síðasta fundi.

Tillaga D-lista um lækkun leikskólagjalda.
Sveitarstjórn samþykkir að leikskólagjöld á Leikskólanum Örk verði lækkuð sem nemi 10% frá og með 1. október 2014. Komið verði til móts við áætlað tekjutap sem lækkunin nemur með endurskoðun á b- og c-lið 4. gr. ráðningarsamnings sveitarstjóra, líkt og ákveðið var á sveitarstjórnarfundi þann 26. júní s.l., í þá veru að lækka bifreiðakostnað sveitarstjóra.

Greinargerð:
Miðað við ársreikning fyrir árið 2013 námu tekjur vegna greiðslu foreldra á vistunargjöldum um 21 milljón. Ekki þarf að fjölyrða um nauðsyn þess að stuðla að lækkun gjalda á fjölskyldufólk og auka þar með ráðstöfunartekjur fjölskyldna í sveitarfélaginu. 
Það er staðreynd að foreldrar í Rangárþingi eystra greiða nú ein hæstu leikskólagjöld 
á landinu. Á sama tíma eru fjárframlög sveitarfélagsins til rekstrar leikskólans með því 
minnsta sem gerist. Leikskólinn Örk er vel rekin stofnun; húsnæði hans 
er ódýrt og margt annað hjálpar til við að gera rekstur hans góðan. Einmitt vegna þess 
viljum við lækka gjaldskrána og láta þannig foreldra njóta góðs af.
Þá leggjum við áherslu á að haldið verði áfram í þeirri viðleitni að lækka leikskólagjöld í fjárhagsáætlunarvinnu fyrir árið 2015.
Hvolsvelli, 1. september 2014
Kristín Þórðardóttir
Birkir Arnar Tómasson

Sveitarstjórn gerir tillögu um að fresta afgreiðslu þessarar tillögu. Samþykkt með 5 atkv. Tveir á móti KÞ og BAT.

Breytingartillaga:
Sveitarstjórn gerir tillögu um að lækka leikskólagjöld um 25% og taki lækkunin gildi frá og með 1.nóvember 2014.  Aukatími sem nýtist í undantekningartilfellum verður þó á óbreyttu gjaldi frá fyrri gjaldskrá.

Greinargerð:
Í ljósi niðurstaðna greinargerðar um samanburð á leikskólagjöldum sem unnin var að PWC fyrir sveitarstjórn Rangárþings eystra kemur í ljós að leikskólagjöld í Rangárþings eystra eru fyrir ofan meðaltal samanburðarsveitarfélaga. Það var markmið núverandi meirihluta að bjóða foreldrum í Rangárþingi eystra uppá leikskólagjöld undir landsmeðaltali og því leggjum við til þessa lækkun. Þetta er viðleitni sveitarstjórnar til að koma til móts við fjölskyldur sem eiga börn í sveitarfélaginu. Um er að ræða u.þ.b. 1.000.000 kr.  á þessu reikningsári, og mun verða gerður viðauki við fjárhagsáætlun sem tekunn verður fyrir á næsta sveitarstjórnarfundi.
        Samþykkt samhljóða.

13. Sigurður Hróarsson í Sögusetrinu kom í heimsókn á fundinn.
Sögusetrið á Hvolsvelli, staða, framtíð, nýr samningur, húsnæði og upplýsingamiðstöð

.
14. Kynning South Iceland Adventures – Björg Árnadóttir og Sigurður Bjarni Sveinsson.

15. Erindi Sigurðar Eggertssonar dags. 23.09.14 staðfesting á landsskiptum. Um er að ræða eftirtaldar lóðir:
Smáratún lóð, 164 147, Smáratún lóð 5B, 203 181, Smáratún lóð 2, 218 948, Hlíðartún, 164 148.

Landsskiptin staðfest. 

Fundargerðir nefnda sveitarfélagsins:
1. Fundargerð 32. fundar skipulagsnefndar 30.09.14  

SKIPULAGSMÁL
1409058 Indriðakot – Landskipti
Ingibjörg Jónsdóttir kt. 230730-3269, óskar eftir því að skipta 3480m2 lóð úr jörðinni Indriðakot ln. 163772, skv. meðfylgjandi uppdrætti unnum af Landnot ehf. dags. 23.07.2014. Lögbýlisréttur mun áfram fylgja Indriðakoti ln. 163772. 
Skipulagsnefnd gerir ekki athugasemd við landskiptin. 
Staðfest.
1409019 Skógar – Ósk um umsögn vegna reksturs bílaleigu
Í erindi dags. 5. september 2014, óskar sýslumaðurinn á Hvolsvelli eftir umsögn skipulags- og byggingarfulltrúaembættis Rangárþings eystra um veitingu rekstrarleyfis handa Guðbjörgu Sigríði Pétursdóttur kt. 211158-7869, til reksturs bílaleigu að Skógum, Rangárþingi eystra. 
Kristín Þórðardóttir víkur af fundi við afgreiðslu málsins. Skipulagsnefnd gerir ekki athugasemd við veitingu rekstrarleyfis fyrir bílaleigu á lóð Skogar guesthouse að Skógum. Umrædd lóð er skv. skipulagi á íbúðabyggð og því ekki gert ráð fyrir umfangsmiklum atvinnurekstri. Skv. umsókn er gert ráð fyrir einni bifreið í rekstri bílaleigunnar. Nefndin ítrekar að jákvæð umsögn er veitt á þeim forsendum. 
 Kristín Þórðardóttir vék af fundi undir þessum lið. Staðfest.


1409059 Breytingartillaga D-lista við samþykkt um gatnagerðargjöld
Tillögu vísað frá sveitarstjórn, til skipulagsnefndar til umsagnar. 
14. Breytingartillaga D-lista við samþykkt um gatnagerðargjöld.
Við fulltrúar D-lista leggjum til eftirfarandi tillögu:
Sveitarstjórn Rangárþings eystra samþykkir á grundvelli 6. gr. samþykktar um gatnagerðargjald í Rangárþingi eystra eftirfarandi tillögu:
Veita skal 50% afslátt af gatnagerðargjaldi af lóðum við tilbúnar götur á Hvolsvelli, þar sem lagningu fráveitu og gatnaframkvæmd er lokið að stærstum hluta. Ákvörðunin gildir fyrir gatnagerðargjald lóða sem úthlutað verður á tímabilinu 1. október 2014 – 31. desember 2015.
Sé sótt um sérstakan greiðslufrest í samræmi við 7. gr. samþykktar um gatnagerðargjald í Rangárþingi eystra, gilda afsláttarreglur þessar ekki.
Jafnframt er lagt til, að sveitarstjórn feli skipulagsnefnd að leggja mat á núgildandi deiliskipulag við Hvolstún með tilliti til íbúðamagns á skipulagsreitnum.

Greinargerð:
Samkvæmt heimild í 6. gr. samþykktar um gatnagerðargjöld er sveitarstjórn heimilt að lækka eða fella niður gatnagerðargjald af einstökum lóðum í sveitarfélaginu við sérstakar aðstæður, svo sem vegna þéttingar byggðar, lítillar ásóknar í viðkomandi lóð eða eftirspurnar eftir leiguhúsnæði.
Enn er óúthluað um 14 lóðum við Hvolstún og 15 iðnaðarlóðum við Ormsvöll og Dufþaksbraut. Ljóst að ákveðið hagræði hlýst af því fyrir sveitarsjóð að þétta þá byggð sem fyrir er. Enn er mikil eftirspurn eftir húsnæði í sveitarfélaginu, en aðgangur að lánsfjármagni er ekki jafn greiður og hann var fyrir „hrun“. Því er mikilvægt að koma til móts við húsbyggendur og mynda hvata til framkvæmda. Sveitarstjórn telur rétt að kanna hvort hægt sé að fjölga íbúðum á þeim byggingarreitum sem þegar eru skipulagðir við Hvolstún og að þannig gefist tækifæri til að byggja smærri íbúðir sem betur henta til dæmis ungu fólki og þeim sem vilja minnka við sig. Væri slík stefnubreyting í góðu samræmi við þær umræður sem eru áberandi, um að minni íbúðir séu það sem markaðurinn kallar helst eftir.
Hvolsvelli, 1. september 2014
Kristín Þórðardóttir
Birkir Arnar Tómasson
Samþykkt að afgreiðslu tillögunnar verði frestað og henni vísað til umsagnar 
skipulagsnefndar.

Skipulagsnefnd tekur vel í tillöguna. Nefndin leggur til að lækkun gatnagerðagjalda nái til íbúðalóða í Hvolstúni og iðnaðar/verslunar- og þjónustulóða við Ormsvöll skv. tillögunni. 
Skipulagsnefnd leggur til við sveitarstjórn að gerð verði eftirfarandi breyting á deiliskipulagi Hvolstúns. Lóðum 5 og 7 verði breytt í eina par- raðhúsalóð og að lóðum 14 og 16 verði breytt í eina par- raðhúsalóð. 
Staðfest.
2. 21. fundur fræðslunefndar 15.09.14  Fundargerðin staðfest.
3. 14. fundur Heilsu-, íþrótta- og æskulýðsnefndar 16.09.14 Sveitarstjóra falið að kynna sér starfskjör ungmennaráða.  Fundargerðin staðfest.
4. 4. fundur Velferðarnefndar 27.09.14 Fundargerðin staðfest.

Fundargerðir samvinnu sveitarfélaga á Suðurlandi:
1. 1. fundur skólanefndar Tónlistarskóla Rangæinga á starfsárinu 01.09.14 Staðfest.
2. 160. stjórnarfundur Sorpstöðvar Rangárvallasýslu bs. 23.09.14  Staðfest.
3. 18. fundur félagsmálanefndar Rangárvalla- og Vestur-Skaftafellssýslu 22.09.14 Staðfest.
4. 158. fundur Heilbrigðisnefndar Suðurlands 29.08.14. Staðfest.

Mál til kynningar:
1. Opnun tilboða í snjómokstur.
2. Greinargerð um samanburð á gjaldskrám leikskóla 2014.
3. Við stólum á þig, bréf dags. 5.09.14
4. 7. fundur stjórnar þjónustusvæðis um málefni fatlaðs fólks á Suðurlandi.
5. 8. fundur stjórnar þjónustusvæðis um málefndi fatlaðs fólks á Suðurlandi. 03.09.14
6. Sókn, lögmannsstofa, kynning dags. 02.09.14
7. Umhverfis- og auðlindaráðuneytið, bréf dags. 01.09.14, tillögur Mannvirkjastofnunar að reglugerð um starfsemi slökkviliða.
8. Samtök sunnlenskra sveitarfélaga, bréf dags. 08.09.14, þróun almenningssamgangna á Suðurlandi 2010-2014.
9. Fundargerð 818. fundar stjórnar Sambands íslenskra sveitarfélaga 12.09.14
10. Mennta- og menningarmálaráðuneytið, bréf dags. 09.09.14 „Ungt fólk 2013“.
11. Alþingi, bréf dags. 16.09.14, fundir sveitarstjórna með fjárlaganefnd Alþingis haustið 2014.
12. Aukavinna sveitarstjórnarmanna.
13. Minnispunktar eftir fund með stjórn Framkvæmdasjóðs aldraðra 22.09.14
14. Samningur um styrk vegna verkefnisins Múlakot.




Fleira ekki gert og fundi slitið kl. 15:37

Lilja Einarsdóttir              
Ísólfur Gylfi Pálmason
Aðalbjörg Rún Ásgeirsdóttir   
Benedikt Benediktsson
Birkir A. Tómasson               
Kristín Þórðardóttir
Christiane L. Bahner