HEILBRIGÐISSTOFNUN SUÐURLANDS ÓSKAR EFTIR ÍBÚÐARHÚSNÆÐI TIL LEIGU Á HELLU OG/EÐA Á HVOLSVELLI

6095044- Framkvæmdasýslan - Ríkiseignir f.h. ríkissjóðs óska eftir að taka á leigu íbúðarhúsnæði fyrir Heilbrigðisstofnun Suðurlands. Miðað er við að leiga geti verið til 5-10 ára.

Óskað er eftir tveimur íbúðum til leigu.

Leitað er eftir 2ja – 4ra herbergja íbúðarhúsnæði, einkum nýlegu eða viðhaldslitlu húsnæði í góðu ástandi. Til greina koma bæði íbúðir og/eða minni sérbýli. Leigusali mun sjá um viðhald skv. húsaleigulögum.

Við mat á hagkvæmni tilboða verður m.a. tekið tillit til leiguverðs íbúðarhúsnæðisins, ástands, stærð þess, skipulags, afhendingartíma, staðsetningu, aðkomu og bílastæðum. Um markaðskönnun er að ræða og áskilinn er réttur til að hafna öllum tilboðum.

Fyrirspurnir varðandi verkefnið „Heilbrigðisstofnun Suðurlands“ skulu sendar á netfangið leiguhusnaedi@fsre.is.

Fyrirspurnarfrestur rennur út 11. nóvember 2024 en svarfrestur FSRE er til og með 14. nóvember 2024.

Leigutilboð skal senda á leiguhusnaedi@fsre.is, eigi síðar en kl. 13:00 mánudaginn 18. nóvember 2024.

Merkja skal tilboðin; nr. 6095044 – Heilbrigðisstofnun Suðurlands - Íbúðarhúsnæði.

Viðskiptasiðferði

Frekari upplýsingar komi til þess að kallað verði eftir tilboðum:

Lágmarkskröfur til þátttakenda:

Hið opinbera gerir ríkar kröfur til aðila sem það á í viðskiptasambandi við.

Ekki verður gengið til samninga við aðila/þátttakanda sem hefur verið sakfelldur með endanlegum dómi fyrir eftirtalin afbrot.
a. þátttöku í skipulögðum glæpasamtökum,
b. spillingu,
c. sviksemi,
d. hryðjuverk eða brot sem tengjast hryðjuverkastarfsemi,
e. peningaþvætti eða fjármögnun hryðjuverka,
f. barnaþrælkun eða annars konar mansal.

Sama á við þegar einstaklingur, sem hefur verið sakfelldur með endanlegum dómi fyrir brot skv. 1. mgr., er í stjórn, framkvæmdastjórn eða eftirlitsstjórn viðkomandi fyrirtækis eða hefur heimild til fyrirsvars, ákvörðunartöku eða yfirráða í því.

Vakin er athygli á því að samningsaðilar hins opinbera skulu vera í skilum með greiðslu opinberra gjalda, lífeyrissjóðsiðgjalda eða annarra lögákveðinna gjalda ásamt því að uppfylla önnur almenn hæfisskilyrði til að vera í viðskiptasambandi við ríkisaðila.

Komi til samningsgerðar verður kallað eftir upplýsingum varðandi ofangreint.

Útboðsnúmer: 6095044

Fyrirspurnarfrestur: 11.11.2024

Opnun tilboða: 18.11.2024