Starf fulltrúa á skrifstofu Rangárþings eystra laust til umsóknar

Starf fulltrúa á skrifstofu Rangárþings eystra er laust til umsóknar. Starfshlutfall er 100%.

Starfssvið

• Móttaka og almenn skrifstofustörf
• Ritari nefnda á vegum sveitarfélagsins
• Aðstoð við gerð samninga, reglna og ýmissa skjala á skrifstofu sveitarfélagsins
• Öll almenn störf gjaldkera
• Afleysingar í fjárhagsdeild sveitarfélagsins. Færsla bókhalds, afstemmingar, reikningagerð og svo frv.
• Önnur tilfallandi verkefni á skrifstofu sveitarfélagsins.

Hæfniskröfur og menntun:

• Stúdentspróf – háskólamenntun sem nýtist í starfi
• Nám til viðurkenningar bókara
• Reynsla og þekking á bókhaldi er skilyrði og þekking á bókhaldi sveitarfélaga mikill kostur.
• Mjög góð færni á rituðu máli
• Mjög góð almenn tölvukunnátta
• Reynsla af OneSystem skjala- og fundakerfi æskileg
• Reynsla af Navision bókhaldskerfi skilyrði
• Nákvæmni og skipulagni í vinnubrögðum
• Frumkvæði og sjálfstæði í starfi
• Jákvæðni og góðir samskiptahæfileikar

Starfskjör og laun eru í samræmi við samninga Sambands íslenskra sveitarfélaga við Félag opinberra starfsmanna á Suðurlandi.

Rangárþing eystra er heilsueflandi samfélag í stöðugri sókn. Sveitarfélagið leggur ríka áherslu á samvinnu, virðingu og vellíðan á vinnustað. Fólk af öllum kynjum er hvatt til að sækja um starfið.

Nánari upplýsingar um starfið veitir Margrét Jóna Ísólfsdóttir skrifstofu- og fjármálastjóri, sími 488-4200. Umsókn um starfið þarf að fylgja starfsferilsskrá og kynningarbréf sem ber að skila á netfang margretjona@hvolsvollur.is fyrir 14. mars 2022.