13.01.2012

Fundur Fjallskilanefndar V-Eyjafjalla, haldinn að Moldnúpi 05. mars 2006. Kl. 20.30.


Mætt eru : Baldur Björnsson, Helgi Friðþjófsson, Eyja Þóra Einarsdóttir.

1. Drög að nýrri Fjallskilasamþykkt fyrir Rangárvallasýslu.

Fjallskilanefnd gerir ekki athugasemdir fyrir sitt leiti.


2. Tekið fyrir drög að deiluskipulagi þjónustukjarna í Þórsmörk.

Fjallskilanefnd álítur að halda beri Þórsmerkursvæðinu sem mest ósnortnu útivistarsvæði, og er alfarið á móti þeirri smáhýsafjölgun sem kemur fram í drögunum. Halda ber þeirri heildarsýn sem nú er þ.e.a.s. stórir skálar, en ekki mörg smáhýsi á svæðinu.

Húsadalur:
Fjallskilanefnd álítur að allar byggingar eigi að vera sunnan megin við vegslóðann inní dalinn. Einnig bendir nefndin á að vegslóðin er eina leið bænda inná Almenninga, og tryggja beri þeim umferðarrétt. Nefndin bendir einnig á að rekstrarleið bænda inná Almenninga er inn með Fljótsgili, þar sem smáhýsi eru á drögunum. Halda ber þeirri leið skilyrðislaust án allra bygginga.
Einnig er bent á ósamræmi í texta á bls. 9 kafla 3 þar sem alað er um 10ha, en á bls. 13 kafli 4 er síðan talað um 21,5ha.

Langidalur:
Eins og áður er komi fram er nefndin á móti smáhýsabyggingu austan Skagfjörðsskála, sem og veglagningu að þeim. Jafnframt er nefndin á móti lagningu véltks slóða inn Langadal, sbr. Fundargerð bls.34 no.6.

Slippugil:
Nefndin bendir á að betur færi að byggja einn skála í minni Slippugils, í stað fjölda smáhýsa, eins og drögin sýna ásamt því raski sem vegslóðar eru.

Goðaland:
Nefndin bendir á að nú þegar er lítið augnayndi af fjölda þeirra smáhýsa sem þegar er á Goðalandi og fækka beri þeim eins og kostur er.
Örnefni eru ekki rétt á Goðalandi í drögunum.
Réttarfell á að vera Bólhöfuð
Þvergil er minni Strákagils.

Rétt er að taka fram að dómsmál er í gangi um eignarhald á svæðinu.

3. Lögð hefur verið inn umsókn til Landbótasjóðs ríkisins til áframhaldandi uppgræðslu á Almenningum.


Fleira ekki gert og fundi slitið kl. 22.00.


Til baka