Ályktun sveitarstjórnar R.e. vegna póstþjónustu

Úr fundargerð 180. fundar sveitarstjórnar Rangárþings eystra.

Sveitarstjórn Rangárþings eystra ítrekar ályktun Byggðráðs frá 22. júlí 2013 vegna skerðingar á þjónustustigi á póstþjónustu í Rangárþingi eystra .

Sveitarstjórn Rangárþings eystra mótmælir þeirri skerðingu sem orðið hefur á póstþjónustu við íbúa sveitarfélagsins og þeirri þjónustuskerðingu sem hefur verið boðuð með færslu á póstkössum í dreifbýli.

Undanfarin ár hefur póstþjónustu í sveitarfélaginu hrakað verulega og berst póstur oft seint og illa. Í dreifbýli hafa póstkassar verið færðir fjær hýbýlum fólks án undanfarandi samþykkis þeirra með tilheyrandi óhagræði og óöryggis fyrir íbúa. Þjónusta Íslandspósts skal vera á jafnræðisgrundvelli og eiga allir íbúar rétta á sömu þjónustu.

Sveitarstjóra hefur verið falið að boða forsvarsmenn Íslandspósts til fundar á Hvolsvelli.