09.12.2014
Katla jarðvangur leitar að kraftmiklum einstaklingi í krefjandi starf framkvæmdastjóra.

Í boði er spennandi starf í metnaðarfullu umhverfi. Framkvæmdastjórinn hefur rík tækifæri til að sýna frumkvæði að nýsköpun á svæðinu, vinna að gerð fræðsluefnis, taka á móti nemendahópum, veita stuðning við verkefni
og fyrirtæki á svæðinu og þróa rekstrarumhverfi jarðvangsins.
Að verkefninu stendur stjórn og öflugt net fagaðila, framkvæmdastjórinn þarf því auk frumkvæðis að taka virkan þátt í teymisvinnu.

Hæfniskröfur:
• Háskólapróf sem nýtist í starfi. Æskilegt er að viðkomandi hafi nám
að baki í jarðfræði eða landfræði eða skyldum greinum
• Lipurð í mannlegum samskiptum
• Skipulagshæfni
• Frumkvæði og sveigjanleiki í starfi
• Reynsla af nýsköpunarstarfi er æskileg


Jarðvangurinn nær yfir sveitarfélögin þrjú; Rangárþing eystra, Mýrdalshrepp og Skaftárhrepp, og er gert ráð fyrir að starfstöð og búseta rekstrarstjórans verði í einhverju þessara sveitarfélaga. Um fullt starf er að ræða og um launakjör fer eftir samkomulagi. Umsóknir, m.a. með upplýsingum um menntun og starfsreynslu, berist formanni stjórnar jarðvangsins á netfangið sveitarstjori@vik.is eigi síðar en mánudaginn 29. desember 2014. 

Nánari upplýsingar veita Ásgeir Magnússon (sveitarstjori@vik.is, s. 487-1210) og
Sigurður Sigursveinsson (sigurdur@hfsu.is, s. 560-2040) en auk þess er bent á www.katlageopark.is.


Til baka