Rangárþing eystra stóð sig vel í Útsvari

Það voru æsispennandi lokamínútur í Útsvarskeppni gærkvöldsins þegar Rangárþing eystra atti kappi við Kópavogsbæ. Heppnin féll þó ekki með okkar fólki í gær og sigraði Kópavogsbær með aðeins tveggja stiga mun, 72-70. Þau Björn Friðgeir Björnsson, Elínborg Harpa Önundardóttir og Holger Páll Sæmundsson stóðu sig með eindæmum vel og fá hrós fyrir frammistöðuna. Að lokinni keppni gáfu þau svo mótherjum sínum veglegar gjafir, bikar frá Eldstó Art café, handavinnupakk frá Njálureflinum og Tindfjallahangikjöt frá Sláturfélagi Suðurlands. Þessum fyrirtækjum er þakkað kærlega fyrir gjafirnar.