Vísitasía vígslubiskups í Víkurprestakall 2016

Vígslubiskupinn í Skálholti, séra Kristján Valur Ingólfsson,

vísiterar Víkurprestakall,  dagana 24. og 25. september nk.

Með honum í för er prófastur Suðurprófastsdæmis,  séra Halldóra J. Þorvarðardóttir.

Vísitasían hefst með fundi með sóknarnefnd í Stóra-Dalskirkju undir Eyjafjöllum

á laugardeginum og síðar sama dag verða fundir í Ásólfsskála- , Eyvindarhóla- og  Skógakirkjum.

Á sunnudeginum verður fundað í Sólheimakapellu Mýrdal fyrir hádegi.

Kl. 14:00, sunnudaginn 25. september, verður guðsþjónusta í Reyniskirkju í Mýrdal

í tilefni af vísitasíunni, en einnig vegna 70 ára afmælis Reyniskirkju sem var í maí sl.

Vígslubiskup predikar, en sóknarprestur kirkjunnar og prófastur, þjóna fyrir altari.

Eftir guðsþjónustuna er öllum viðstöddum boðið að

þiggja veitingar Reynissóknar í gamla félagsheimilinu að Eyrarlandi.

Tekið skal fram að guðsþjónustan er ætluð öllum sóknarbörnum Víkurprestakalls.

Síðdegis á sunnudeginum fundar vígslubiskup með sóknarnefndum  Skeiðflatar- og Víkurkirkna.

Vísitasíunni lýkur að kvöldi sunnudags.

Haraldur M. Kristjánsson sóknarprestur