100 ára afmæli umf. Trausta þann 11. mars nk.

Þann 11. mars nk. verður ungmennafélagið Trausti 100 ára en það var einmitt stofnað þann 11. mars 1923. Til að halda upp á þennan merka dag mun ungmennafélagið bjóða upp á hátíðardagskrá að Heimalandi.

Húsið opnar klukkan 13:00 en klukkan 14:00 hefst eiginleg hátíðardagskrá þar sem boðið verður upp á barnaskemmtun, afhendingar á viðurkenningum, hátíðarræður og að sjálfsögðu drekkhlaðið afmæliskaffiborð.

Um kvöldið verður svo góð skemmtun sem hefst klukkan 21:00. Fyrst er það pubquiz og svo mun Guðrún Árný halda uppi fjörinu með samsöng eins og henni er einni lagið.

Allir eru hjartanlega velkomnir að fagna með umf. Trausta á þessum tímamótum.