13. fundur í Skipulags- og byggingarnefnd Rangárþings eystra

13. fundur í Skipulags- og byggingarnefnd Rangárþings eystra haldinn þriðjudaginn 5. nóvember 2013, kl. 10:00, Ormsvelli 1, Hvolsvelli.

Mættir: Guðlaug Ósk Svansdóttir, Elvar Eyvindsson, Kristján Ólafsson, Guðmundur Ólafsson, Þorsteinn Jónsson og Anton Kári Halldórsson skipulags- og byggingarfulltrúi.
Fundargerð ritaði Anton Kári Halldórsson

Efnisyfirlit:

SKIPULAGSMÁL:
1309017 Kvoslækur – Ósk um heimild til skipulagsgerðar / Skilgreining íbúðasvæðis í aðalskipulagi
1310016 Ytri-Skógar – Lýsing aðalskipulagsbreytingar / Ábendingar við tillögu kynntar fyrir nefndarmönnum
1309001 Hamragarðar-Seljalandsfoss – Deiliskipulag / Ábendingar við lýsingu

BYGGINGAMÁL:
1310030 Skarðshlíð 1 – Byggingarleyfisumsókn 
1311001 Hellishólar - Byggingarleyfisumsókn

ÖNNUR MÁL:
1311002 Miðhús lóð 4 – Umsókn um stöðuleyfi



SKIPULAGSMÁL

1309017 Kvoslækur – Ósk um heimild til skipulagsgerðar / Skilgreining íbúðasvæðis í aðalskipulagi
Skipulags- og byggingarnefnd samþykkti á síðasta fundi sínum að heimila deiliskipulagsgerðina og lagði til við sveitarstjórn að skilgreint yrði íbúðasvæði að Kvoslæk við endurskoðun aðalskipulags. Sveitarstjórn frestaði erindinu og fól skipulags- og byggingarfulltrúa að afla frekari gagna. 
Farið yfir þau gögn sem skipulagsfulltrúi hefur aflað m.a. fundur með Skipulagsstofnun og álit lögfræðings Sambands íslenskra sveitarfélaga. Skipulags- og byggingarnefnd stendur við bókun sína frá síðasta fundi og leggur til við sveitarstjórn að veitt verði heimild til deiliskipulagsgerðar og að afmarkað verði svæði fyrir íbúðabyggð að Kvoslæk við endurskoðun aðalskipulags Rangárþings eystra 2010 – 2023. Skipulags- og byggingarnefnd leggur áherslu á að skilgreint íbúðasvæði nái ekki inn á 1. flokk landbúnaðarlands skv. drögum að endurskoðun aðalskipulags Rangárþings eystra 2010 – 2022. Skipulags- og byggingarnefnd leggur einnig áherslu á að um er að ræða íbúðabyggð en ekki skilgreint þéttbýli. 


1310016 Ytri-Skógar – Lýsing aðalskipulagsbreytingar / Ábendingar við lýsingu kynntar fyrir nefndarmönnum
Lýsing aðalskipulagsbreytingarinnar var kynnt fyrir almenningi með auglýsingu í Búkollu og Morgunblaðinu 16. október 2013. Veittur var frestur til að koma með ábendingar við lýsinguna til 30. október.
Skipulags- og byggingarnefnd fór yfir innkomnar ábendingar. 


1309001 Hamragarðar-Seljalandsfoss – Deiliskipulag / Ábendingar við lýsingu kynntar fyrir nefndarmönnum 
Lýsing deiliskipulagsins var kynnt fyrir almenningi með auglýsingu í Búkollu og
Morgunblaðinu 16. október 2013. Veittur var frestur til að koma með ábendingar við 
lýsinguna til 30. október. 
Skipulags- og byggingarnefnd fór yfir innkomnar ábendingar. 


BYGGINGAMÁL


1310030 Skarðshlíð 1 – Byggingarleyfisumsókn 
Vilborg Hjördís Ólafsdóttir kt. 110581-3869, sækir um byggingarleyfi fyrir geymslu á lóðinni Skarðshlíð 1 lóð, ln.219863, skv. meðfylgjandi uppdráttum unnum af Verkfræðistofu Suðurnesja.
Skipulags- og byggingarnefnd samþykkir byggingaráform.


1311001 Hellishólar - Byggingarleyfisumsókn
Beinlínis ehf. kt. 610113-1090 f.h. Hellishóla ehf. kt. 460105-2690, sækir um byggingarleyfi fyrir 20 herbergja gistiálmu að Hellishólum ln. 164018, skv. meðfylgjandi uppdráttum unnum af Beinlínis ehf. 
Skipulags- og byggingarnefnd samþykkir byggingaráform með fyrirvara um breytingu á deiliskipulagi. 


ÖNNUR MÁL:

1311002 Miðhús lóð 4 – Umsókn um stöðuleyfi
Þórir Gunnarsson kt. 240341-2719, sækir um stöðuleyfi fyrir 37 m² sumarhúsi á
leigulóð sinni Miðhús lóð 4 ln.164295 skv. meðfylgjandi gögnum. Um er að ræða
sumarhús sem verður endurbyggt og flutt á aðra lóð að endurbyggingu lokinni. Leyfi
landeiganda liggur fyrir. 
Skipulags- og byggingarnefnd samþykkir að veita stöðuleyfi til eins árs. 


Fundi slitið kl. 11:50


Guðlaug Ósk Svansdóttir
Þorsteinn Jónsson
Elvar Eyvindsson
Kristján Ólafsson
Guðmundur Ólafsson
Anton Kári Halldórsson