6. fundur í Fræðslunefnd Rangárþings eystra

6. fundur í Fræðslunefnd Rangárþings eystra haldinn í leikskólanum Örk, mánudaginn 19. september 2011 klukkan 16:30.

Mætt voru: Guðlaug Ósk Svansdóttir, Guðmunda Þorsteinsdóttir, Harpa Viðarsdóttir varamaður fyrir Oddný Steinu Valsdóttur, Esther Sigurpálsdóttir, Lárus Bragason, Heiða Scheving leikskólastjóri Arkar, Ingibjörg Sæmundsdóttir fulltrúi starfsfólks leikskólans, Sigurlín Sveinbjarnardóttir skólastjóri Hvolsskóla, Pálína Jónsdóttir fulltrúi starfsfólks skólans, Arnheiður Einarsdóttir fulltrúi foreldra barna í Hvolsskóla, Anna Kristín Guðjónsdóttir fulltrúi foreldra barna í leikskólanum Örk.


Formaður ræddi um fundarboðun og voru nefndarmenn sammála um að boðað verði framvegis á fundi fræðslunefndar með tölvupósti.

Dagskrá

1. Starfið framundan í leikskólanum Örk – Heiða Björg Scheving
Starfið fer vel af stað og er leikskólinn fullmannaður. Nýr matráður hefur verið ráðinn í eldhúsið og gengur það vel. Í leikskólanum er 81 nemandi. Í vetur verður áfram lögð áhersla á hollt matarræði. Akstur fyrir börn til og frá leikskóla rædd, ljóst að það er eftirspurn eftir þessari þjónustu og bið er eftir plássi með skólabílum.

2. Starfið í Hvolsskóla – Sigurlín Sveinbjarnardóttir
Það eru 29 kennarar í skólanum og eru þeir allir í fullu starfi nema tveir sem eru í hlutastarfi, fjöldi nemenda er 240 samtals. Umræður um skólaakstur og forsendur þess að ferðum hefur verið fækkað. Nefndin leggur áherslu á góð skráning verði í öllu samfellustarfi og einnig í skólaaksturinn. Á haustdögum var 2ja daga námskeið fyrir starfsfólk skólans í tenglsum við uppbyggingarstefnuna Uppeldi til ábyrgðar. Í tengslum við námskeiðið ákvað Starfsfólk skólans að tileinka sér einkennisorðin; virðing, tillitsemi og gleði. Einnig hafa nemendur búið til sínar eigin reglur í tenglsum við uppbyggingarstefnuna Uppeldi til ábyrgðar og Bright start.

Áhersla er á lestur á öllum stigum, en fyrirlesari um lestur nemenda var í skólanum í ágúst.
Skjólið verður í vetur með aukna þjónustu, en Skjólið verður opið eftir þörfum alla almenna vinnudaga og skipulagsdaga kennara. 

Tveir stuðningsfulltrúar hafa látið af störfum og ekki hefur verið ráðið í þau störf. 

Unnið er að skólanámskrá og sjálfsmatsskýrslu, auk þess er starfandi öryggisnefnd í skólanum og er hún að vinna að skýrslu um öryggismál. 

Unnið er að því að fá aftur Grænfánann en Jón Stéfánsson kennari við skólann er verkefnisstjóri verkefnisins. Ákveðið er að vinna áfram að frekari heilsueflingu í skólanum og eru m.a. nemendur og kennarar að nota heilsustíginn á Hvolsvelli, auk þess sem unnið hefur verið að því að hafa enn hollara og betra fæði í skólanum. Fjarkennsla fyrir nemendur á elsta stigi er nú kennd frá FSu. Mikil hagræðing og sparnaður er með þessu fyrirkomulagi. 

3. Dagmömmur í sveitarfélaginu
Í sveitarfélaginu er starfandi ein dagmamma og er hún staðsett á Hvolsvelli. Hún er með nokkur börn á biðlista.
Sveitarfélagið hefur unnið að því að leita leiða til að auka dagvistunarúrræði fyrir ung börn undir Eyjafjöllum í samstarfi með foreldrum á svæðinu. Fyrirhugað er að dagmamma undir Eyjafjöllum taki til starfa fljótlega. Hún mun starfa í húsnæðinum sem hýsti áður leikskóladeildina Paradís.

4. Leikskólalóðin skoðuð
Í sumar hefur verið unnið að endurbótum á leikskólalóðinni og er þeim að ljúka, en nokkrar tafir hafa verið á afhendingu á nýjum leiktækjum m.a. fyrir yngstu börnin. Það var Hermann Georg Guðlaugsson landslagsarkitekt sem hannaði lóðina í samstarfi við starfsfólk leikskólans, en starfsfólkið kom með tillögur sem stuðst var við í hönnunarferlinu. Stefnt er að því að taka lóðina núna í september í formlega notkun með nemendum leikskólans, foreldrum og gestum.

Fræðslunefndin skoðaði leikskólalóðina.

Fleira ekki gert og fundi slitið klukkan 18:30


Guðlaug Ósk Svansdóttir 

Guðmunda Þorsteinsdóttir 

Esther Sigurpálsdóttir 

Harpa Viðarsdóttir
Pálína Jónsdóttir 

Sigurlín Sveinbjarnardóttir
Heiða Scheving 

Ingibjörg Sæmundsdóttir
Anna Kristín Helgadóttir 

Lárus Bragason
Anna Kristín Guðjónsdóttir