Auglýsing um skipulagsmál í Rangárþingi eystra

Auglýsing um skipulagsmál í Rangárþingi eystra

Nóvember 2022

Samkvæmt 1. mgr. 41. gr. skipulagslaga nr. 123/2010 eru auglýst eftirfarandi tillögur að deiliskipulagi í Rangárþingi eystra.

Skíðbakki – Deiliskipulagstillaga

Deiliskipulagið nær til um 1,9 ha landspildu úr Skíðbakka 1. Heimilt er að byggja allt að 250 m² íbúðarhús með hámarksmænishæð 8,0m, 50 m² gestahús með hámarksmænishæð 5,0m og allt að 300 m² skemmu með hámarksmænishæð 8,0m.

Rimakot – Deiliskipulagstillaga og greinargerð

Um er að ræða nýtt deiliskipulag fyrir tengivirki á lóðinni Rimakot L163918 í Austur Landeyjum. Gert er ráð fyrir viðbyggingu við núverandi spennistöð og er heildarbyggingarmagn lóðarinnar allt að 600 m². Hæð bygginga er allt að 8,0m m.v. gólfkóta.

Skeggjastaðir land 10 – Deiliskipulagstillaga

Um er að ræða tillögu að deiliskipulagi á spildunni Skeggjastaðir land 10 L194252. Gert er ráð fyrir íbúðarhúsi, allt að 200m² að stærð, skemmu allt að 200 m² að stærð og hesthúsi allt að 200 m² að stærð.

Skeggjastaðir land 18 – Deiliskipulagstillaga

Um er að ræða tillögu að deiliskipulagi á lóðinni Skeggjastaðir land 18 L199781. Gert er ráð fyrir að núverandi frístundahúsi, sem er ca 60 m² að stærð, verði breytt í íbúðarhús. Á lóðinni er auk þess 21 m² geymsluskúr. Gert ráð fyrir mögulegri stækkun á núverandi húsum, um allt að 60 m². Heildarstærð lóðarinnar er 1803 m².

Ofangreindar deiliskipulagstillögur er hægt að skoða á heimasíðu Rangárþings eystra, www.hvolsvollur.is og á skrifstofu skipulags- og byggingarfulltrúa frá 30. nóvember nk. Hverjum þeim sem telur sig eiga hagsmuna að gæta er gefinn kostur á að gera athugasemd við tillögurnar, og er frestur til að skila inn athugasemdum til 11. janúar nk. Athugasemdum skal skila skriflega á skrifstofu skipulags- og byggingarfulltrúa Rangárþings eystra, Austurvegi 4, 860 Hvolsvelli.

F.h. Rangárþings eystra

Guðmundur Úlfar Gíslason

Skipulags- og byggingarfulltrúi