Auglýsing um skipulagsmál í Rangárþingi eystra - júlí

Auglýsing um skipulagsmál í Rangárþingi eystra

Samkvæmt 1. mgr. 41. gr. skipulagslaga nr. 123/2010 eru auglýstar eftirfarandi tillögur að deiliskipulagi í Rangárþingi eystra.

Hörðuskáli – Deiliskipulagstillaga

Um er að ræða ca 0,25 ha spildu úr landi Hörðuskála L163671. Gert er ráð fyrir einnar hæðar frístundarhúsi allt að 100 m² að stærð. Hámarkshæð frá gólfkóta er 4,2 m.

Hallgerðartún – Deiliskipulagsbreyting

Lagt er til að gerð verði breyting á deiliskipulagi við Hallgerðartún á Hvolsvelli. Breytingin felst í því að tveimur parhúsalóðum verður breytt í fjögurra íbúða raðhúsalóð og einni fjögurra íbúða raðhúsalóð verður breytt í 10 íbúða fjölbýlishúsalóð.

Eystra-Seljaland – Deiliskipulagsbreyting

Um er að ræða breytingu er varðar lóðirnar F2 og F3. Á lóð F2 verður heimilt að byggja allt að 600 m² gisti- og þjónustuhús í 2-3 mannvirkjum fyrir ferðamenn og starfsfólk. Á lóð F3 verður heimilt að byggja allt að 600 m² gisti- og þjónustuhús í 2-3 mannvirkjum fyrir ferðamenn og starfsfólk. Hámarks mænishæð er 6,0 m m.v. hæð jarðvegs í umhverfis húsin.

Ytra-Seljaland – Deiliskipulagstillaga

Um er að ræða frístundabyggð þar sem gert er ráð fyrir 35 lóðum sem hver um sig er 0,5 ha að stærð. Á hverri lóð verður heimilt að byggja 130 m² hús ásamt 25 m² geymslu/gestahúsi. Mesta mænishæð frá gólfkóta er 6,0 m.

Ofangreindar deiliskipulagstillögur er hægt að skoða á heimasíðu Rangárþings eystra, www.hvolsvollur.is og á skrifstofu skipulags- og byggingarfulltrúa frá 13. júlí nk. Hverjum þeim sem telur sig eiga hagsmuna að gæta er gefinn kostur á að gera athugasemd við tillögurnar, og er frestur til að skila inn athugasemdum til 24. ágúst nk. Athugasemdum skal skila skriflega á skrifstofu skipulags- og byggingarfulltrúa Rangárþings eystra, Austurvegi 4, 860 Hvolsvelli.

F.h. Rangárþings eystra

Guðmundur Úlfar Gíslason

Skipulags- og byggingarfulltrúi