Dagur leikskólans 6. febrúar

Í dag, 6. febrúar er Dagur leikskólans. Í Rangárþingi eystra er starfræktur einn leikskóli, Leikskólinn Örk, sem er 5 deilda með um 100 nemendur.

Í tilefni dagsins komu þær Sólbjört Sigríður Gestsdóttir, leikskólastjóri, og Valborg Jónsdóttir, aðstoðarleikskólastjóri, með tvö plaköt sem þær hengdu upp á skrifstofu sveitarfélagsins. Ráðgert var að nemendur leikskólans færu um og hengdu plakötin upp en vegna mikillar hálku í þéttbýlinu þótti það ekki ráðlegt.

Á stærra plakatinu má sjá þróun teikningar en þar eru sjálfsmyndir barna, allt frá þeim yngstu til elstu.

Á minna plakatinu voru nokkrir starfsmenn fengnir til að teikna sjálfsmynd af sér.