Ungmennabúðir NSU í Danmörku

Þú færð einstakt tækifæri til að vinna með 50 öðrum ungmennum á norðurlöndunum að skapandi verkefnum og góðum hugmyndum fyrir framtíðina. Í ungmennabúðunum eru þér sköpuð tækifæri til að hugsa skapandi og vinna með öðrum að góðum hugmyndum til að vinna enn frekar með þegar þú kemur heim í þitt samfélag.

Ungmennabúðirnar standa yfir frá 30. nóvember til 4. desember. Fyrstu 3 dagana vinnur þú með hinum 50 sem taka þátt þar sem áherslan verður á nýsköpun, sköpun, áhrif ungs fólk á og í samtökum. NSU tryggir að þú fáir faglega og félagslega reynslu sem nýtist þér í gegnum vinnuferlið.

Síðustu tveimur dögunum verður svo lokað með stórri ráðstefnu þar sem þátttakendur í ungmennabúðunum fá tækifæri til að kynna niðurstöður sínar fyrir stjórnmálamönnum, vísindamönnum og starfsamönnum hinna ýmsu samtaka sem vinna með málefni ungmenna.

Ungmennabúðirnar og ráðstefnan gefur þér tækifæri til að hafa áhrif á ákvarðanir sem snerta ungt fólk á Norðurlöndum.  Ungmennabúðirnar og ráðstefnan er þér að kostnaðarlausu með öllu.  UMFÍ fær úthlutað plássi fyrir sex ungmenni sem verða fulltrúar Íslands í ungmennabúðum.

Ef þú hefur frekari spurningar þá vinsamlegast hafðu samband við Sabínu á netfanginu sabina@umfi.is eða hringdu í síma 569-2929. Einnig má finna upplýsingar á heimasíðu NSU www.nsu.is . Umsóknarfrestur er til 8.október næstkomandi.