Fréttir & tilkynningar

10. bekkur í Hvolsskóla verður með sjoppu á Kjötsúpuhátíðinni. En þetta er hluti af fjaröflun þeirra fyrir útskriftarferðinni sem verður farinn í vor. Sjoppan verður opin í tjaldinu á meðan dagskrá er þar. Athugið að á sunnudeginum verður hún í íþróttahúsinu.

Nú má segja að Kjötsúpuhátíðin sé farin af stað því í gærkvöldi buðu þau Eyvindur og Aðalheiður á Stóru-Mörk 1 heim í súpu sem var virkilega vel sótt. Næst á dagskránni eru viðburðir fimmtudagsins en þá eru flestir íbúar langt komnir með að skreyta og gera umhverfið okkar skemmtilegt. Á hátíðardagskránni á laugardag verða svo veitt verðlaun fyrir skemmtilegasta garðinn og best skreyttu götuna.

Félags- og skólaþjónusta Rangárvalla- og Vestur Skaftafellssýslu heldur utan um afgreiðslu sérstaks húsnæðisstuðnings sem sveitarfélögum er skylt að greiða samkvæmt lögum um húsnæðisbætur nr. 76/2016. Sérstakur húsnæðisstuðningur kemur þá í stað sérstakra húsaleigubóta. Nánari upplýsingar um skilyrði fyrir samþykki umsóknar og fjárhæð sérstaks húsnæðisstuðnings má sjá í reglum um sérstakan húsnæðisstuðning inn á heimasíðu Félagsþjónustunnar, www.felagsmal.is.

261. fundur Byggðarráðs verður haldinn á skrifstofu sveitarfélagsins, fimmtudaginn 15. ágúst 2024 og hefst kl. 08:15